Lykkja massetak i Øystre Slidre kommune - driftskonsesjon

Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43.

Lykkja massetak er eit grustak lokalisert på gnr./bnr. 1/4 i Øystre Slidre kommune. Området tiltakshavar søker konsesjon for er om lag 89 dekar og går fram av kart på side 4 i høyringsvedlegget. Det aktuelle området er avsett til råstoffutvinning i arealplanen til kommunen. Vidare er området regulert i reguleringsplan datert 18. oktober 2007 med namn «Reguleringsplan for massetak i Lykkja». Det er oppgjeve at førekomsten består av lausmassar som hovudsakleg vil nyttast til forskjellige pukk- og kultfraksjonar for bruk i relevante tiltak innan bygge- og anleggsbransjen. Det er estimert eit årleg uttak på om lag 10 000 m³ og eit totalt uttak om lag 100 – 150 000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår behandling av søknaden.