Utviding av masseuttak Bjørnøya i Haram kommune - driftskonsesjon

Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43 frå Longva Maskin AS.

Longva Maskin AS søkjer om driftskonsesjon for uttak av fast fjell i utvidinga av Bjørnøya. Uttaket er lokalisert på gbnr. 180/2 i Haram kommune. Omsøkt område er 11 daa. Ifølgje tiltakshavaren ser de for seg et samla uttaksvolum på 140 000 m³ innafor omsøkt område. Tiltakshavaren skriv at uttaksvolumet på 140 000 m³ skal takst ut i løpet av eit år.

Førekomsten skal nyttast til vegbygging. Tiltakshavar opplyser at drifta i all hovudsak er knytt til utbygginga av Nordøyvegen, Fv. 659. Hovudleveransen er plastringsstein.

Omsøkt område ligg inne i kommuneplanen for Haram kommune som LNF-område. Det er søkt om dispensasjon frå kommuneplanens arealformål, og gjeven løyve til utvinning av mineralførekomst i brev av 1. oktober 2019 frå Haram kommune.

Saka ligg no ute til høyring. Høyringsdokumenta er tilgjengeleg i menyen til høyre.

Høyringsbrevet gir nærare orientering om DMF sine forventningar til høyringsfråsegna og vår handsaming av søknaden.