Svarstad massetak i Stryn kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Stryn Pukk AS med org.nr. 960 788 206.

Svarstad er eit massetak lokalisert på gnr./bnr. 150/56 i Stryn kommune. Det omsøkte området er om lag 15 dekar og går fram av kart på side 3 i høyringsvedlegget. Omsøkt område er regulert til «kombinert bygg og anleggsformål, steinbrot, industri» i reguleringsendring «Stryn miljø- og næringspark – nordre del» av 27.02.2013. Det er oppgjeve at førekomsten består gneis, som hovudsakleg vil nyttast til stein, singel og pukk. Det er estimert eit årleg uttak på om lag 40.000 m³ og eit totalt uttak på 400.000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.