Sætredalen masseuttak i Giske kommune – driftskonsesjon
Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Gjøsund Maskinlag AS med org.nr. 947 590 073.
Sætredalen er eit massetak lokalisert på gnr./bnr. 189/8 i Giske kommune. Det omsøkte området er om lag 26 dekar og går fram av kart på side 3 i høyringsvedlegget. Omsøkt område er regulert til masseuttak i reguleringsplan for Sætredalen av 27.11.2001. Det er oppgjeve at førekomsten består av morenemasser med stor innblanding av stein, som hovudsakleg vil nyttast til usortert sprengstein/pukk/grus. Det er estimert eit årleg uttak på om lag 15.000 m3 og eit totalt uttak på 250 – 300.000 m3.
Saka ligg no ute til høyring. Høyringsdokumenta er tilgjengeleg i menyen til høgre.
Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.
