Øveråslia i Vestnes kommune - driftskonsesjon

Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43 frå Vestnes Renovasjon AS.

Vestnes Renovasjon AS søker om driftskonsesjon for masseuttak i Øveråslia. Uttaket er lokalisert på eigedomane gbnr. 56/1, 56/4 og 56/9 i Vestnes kommune. Omsøkt område er 94 daa.

Førekomsten er ein granittisk gneis som av NGU er vurdert å ha lokal betydning. Tiltakshavar skal ta ut fast fjell som skal nyttast til veggrus samt knusast i ulike singel- og pukkfraksjonar som skal nyttast i utviklinga av verksemda på Øveråslia. Ifølgje tiltakshavaren er det anslått at det samla uttaket innafor uttaksområdet er 2 100 000 m³. Av dette ser tiltakshavaren for seg å ta ut ca. 4 000 m³ årleg. Det årlege uttaket kan endre seg avhengig av situasjonen i marknaden.

Reguleringsplan for Vestnes Renovasjon AS Øveråslia blei vedteken i kommunestyret den 15. februar 2018. Planvedtaket frå kommunen blei påklaga og difor sendt vidare til Fylkesmannen i Møre og Romsdal for endelig avgjerd. DMF har teke utgangspunkt i reguleringsplanen slik den føreligg ved vurdering av søknad om driftskonsesjon.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår handsaming av søknaden.