Opshaug steinbrudd i Stranda kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Opshaug Sandtak AS.

Opshaug steinbrudd er eit massetak lokalisert på gnr./bnr. 13/1 og 13/2 i Stranda kommune. Det omsøkte området er om lag 53 dekar og går fram av kart på side 14 i høyringsvedlegget. Omsøkt område er regulert til «Steinbrudd og masseuttak» i reguleringsplan datert 14.02.2018 med plan-ID 2017003 og namn «Reguleringsplan Opshaugvik». Det er oppgjeve at forekomsten består av gneis i god kvalitet, som hovudsakeleg vil nyttast til skogsbilveger, tomter og vegbygging. Det er estimert eit årleg uttak på om lag 25 000 m³ og eit totalt uttak på 1 350 000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.