Kåvenes-Nomelandskleivi i Valle kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Nomeland Anlegg AS.

Nomeland Anlegg AS har søkt om driftskonsesjon for området Kåvenes-Nomelandskleivi gbnr. 64/1 i Valle kommune. Tiltakshavaren har oppgitt at totalt uttaksområde er 5,9 daa. Vidare har tiltakshavaren anslått at totalt uttaksvolum er 30 000 m³, med eit forventa årleg uttak på 20 000 m³. Førekomsten er klassifisert som grunneigars mineralar. Det er ikkje drift på området pr. i dag. Tiltakshavaren beskriv at førekomsten består av hard gneis/granitt. Føremålet med uttaket er å nytta det til kultmasse/grusmasse ved vegbygging. Området er regulert til masseuttak i reguleringsplan datert 26. juni 2007. Konsesjonsgrensa er samanfallande med formålsgrensa som framkjem av vedlagte plankart, vedteken i kommunestyret den 25. mars 2003 (K-sak 45/03).

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår behandling av søknaden.