Høgemoen i Luster kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Ole Mads Norenberg.

Ole Mads Norenberg har søkt om driftskonsesjon for Høgemoen på eigedomen gbnr. 88/6 i Luster kommune. Omsøkt område er oppgjeve å vere 100 daa. Anslått totalvolum for førekomsten er 2 000 000 m³ og tiltakshavar antar at han skal ta ut 20 000 m³ i året. Førekomsten er klassifisert som grunneigers mineralar. I følgje tiltakshavaren er førekomsten ei moreneførekomst. Sanda blir hovudsakeleg nytta som tilslag i betong, men også litt som fyll i kabelgrøft. Steinen nyttast til singel, og store runde steinar blir knust ned til pukk og singel.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår behandling av søknaden.