Grindsdalen i Leikanger kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Sognekraft AS.

Uttaksområde i Grindsdalen er lokalisert på gnr/bnr. 5/2 i Leikanger kommune. Det omsøkte området er 2 dekar. Området er i kommuneplanens arealdel regulert til LNF område. Det er søkt om dispensasjon frå arealplanen.

Det vert oppgjeve i søknaden at førekomsten består av fast fjell og bergtypen er vurdert til å vere diorittisk til granittisk gneis med god nok kvalitet til føremålet. Massane vil i følgje søknad bli brukt til bygging av Grinsdalen transformatorstasjon, høvevis som masser til stasjonstomt og bygging av rasvoll. Det er estimert eit uttak på omlag 11 000 m³, men med moglegheit for uttak på intill 15 000 m³. Uttaket vil skje over ein kort tidsperiode på om lag eit år.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår behandling av søknaden.