Gbnr. 133/4 i Gulen kommune - prøveuttak
Direktoratet for mineralforvaltning med Bergmeisteren for Svalbard (DMF) har motteke søknad om godkjenning til prøveuttak av naturstein etter mineralloven § 12 frå Hylland AS.
Søknaden gjeld eit prøveuttak på ca. 2000 m3 fast fjell på austsida av Fv3, øvst i Takledalen like før nedkjøring mot Austgulen. Uttaket skal skje på del av eigedommen 133/4 i Gulen kommune. Førekomsten som skal takast ut er omtalt som grovpora gneis. Føremålet med prøveuttaket er å kartleggje området, undersøke kvalitet og eventuell mengde for uttak av fjell for produksjon og levering av murstein til gråsteinsmurar.
Saka ligg no ute til høyring. Høyringsdokumenta er tilgjengelig i menyen til høyre.
Høyringsbrevet gir nærare orientering om DMF sine forventningar til høyringsfråsegna og vår handsaming av søknaden.
