Fossdal pukkverk i Åseral kommune – driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter minerallova § 43 frå Fossdal pukkverk AS for uttak på gbnr. 32/6 i Åseral kommune.

Det søkte konsesjonsområdet er på 41 daa. Innanfor dette området skal det berre tas ut massar i vest, dette området er omtrent 22 daa og kan sjåast i kart i høyringsvedlegget.

Det er anslege eit årleg uttak av fast fjell på omlag 25 000 m³ og eit samla uttak på 250 000 m³.

Delar av området er avsett til råstoffutvinning i kommuneplanen. Kommunen har gjeve dispensasjon frå kommuneplanens arealdel for utviding av massetaket, denne er gjeve med fleire vilkår.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår handsaming av søknaden.