Flatneset steinbrot i Ørsta kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Flatnes Maskin AS.

Flatneset er eit steinbrot lokalisert på gnr./bnr. 169/6 i Ørsta kommune. Det omsøkte området er om lag 36 dekar og går fram av kart på side 30 i høyringsvedlegget. Omsøkt område er regulert til «Steinbrot/Jord- og skogbruk», «Steinbrot/Industri, lager» og «Steinbrot/Fritidsbustader» i reguleringsplan datert 31.10.2006 med plan-ID RTK-0606-A og namn «Flatneset steinbrot Sæbø». Det er oppgjeve at førekomsten består av gneis som hovudsakleg vil nyttast til produkt innafor bygg- og anlegg og vegprosjektar. Det er estimert eit årleg uttak på om lag 10.000 m³ og eit totalt uttak på 280.000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.