Ersland dagbrudd i Bømlo kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Landmark Maskin AS.

Ersland dagbrudd er lokalisert på del av gnr./bnr. 118/3 i Bømlo kommune. Området som det vert søke om driftskonsesjon på har i følgje søknaden eit areal på 36,5 daa. Tiltakshavar oppgjev at det skal tas ut totalt 2 000 000 tonn masse. Forventa årlig uttak er 150 000 tonn masse. Førekomsten består primært av byggeråstoff. Det vert i søknaden opplyst at det meste av materialet skal leverast til veg og grøftemasser.  

Området er i kommunens arealplan avsett til råstoffutvinning. Området er i tillegg regulert i reguleringsplan for masseuttak Ersland, vedteken 06.05.2013 med plan id. 201101.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår behandling av søknaden.