Brynsmoen næringsområde i Nord-Fron kommune - driftskonsesjon
Direktoratet for mineralforvaltning med Bergmeisteren for Svalbard (DMF) har fått inn søknad om driftskonsesjon etter minerallova § 43 frå Brødrene Haugen Maskin og Grus AS.
Brødrene Haugen Maskin og Grus AS søker om driftskonsesjon for Brynsmoen næringsområde i Nord-Fron kommune. Tiltakshavar oppgir at omsøkt område er ca. 137 daa. Ifølgje tiltakshavaren er totalvolumet innafor uttaksområdet 1 570 000 m3. Det årlege uttaket vil kunne variere med marknad og etterspørsel, men tiltakshavar antyder et forventa årleg uttak på mellom 50 000 – 70 000 m3. Førekomsten høyrer til mineralkategorien grunneigar sine mineral.
Tiltakshavar beskriv geologien i uttaksområde for å vere breelvavsatt materiale. Førekomsten består av grove massar som er godt egna til veg- og betongformål ved foredling gjennom knusing og sikting. I tillegg viser tiltakshavaren til NGU sin pukkdatabase, der ressursen blir beskrive som svært viktig for heile regionen.
Området er i «detaljreguleringsplan for Brynsmoen næringsområde» med planID 51620150008, vedteken i kommunestyret den 22. februar 2018, regulert til næringsbebyggelse og grønnstruktur.
Saka ligg no ute til høyring. Høyringsdokumenta er tilgjengeleg i menyen til høgre.
Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.
