Bruland sandtak i Førde kommune - driftskonsesjon
Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressurser (minerallova) frå Røyseth Maskin AS med org. nr. 911 715 732.
Bruland er eit sandtak lokalisert på gnr./bnr. 60/15, 60/23, 60/24, 60/44 og 60/227 i Førde kommune. Det omsøkte området er om lag 176 dekar og går fram av kart på side 23 i høyringsvedlegget. Omsøkt område er regulert i reguleringsplan datert 16.12.2004 med plan-ID 20020011 og namn «Bruland - Sandtak». Det er oppgjeve at førekomsten består av lausmassar som hovudsakleg vil nyttast til produksjon av tilslag til betong, pukk, grus og fyllmassar til bygg- og anleggsbransjen i regionen. Det er estimert eit årleg uttak på om lag 40.000 m3 og eit totalt uttak på 1.300.000 m3.
Saka ligg no ute til høyring. Høyringsdokumenta er tilgjengeleg i menyen til høgre.
Høyringsbrevet gjev nærare orientering om DMF sine forventingar til høyringsfråsegnene og handsaminga vår av søknaden.
