Åsstad masseuttak i Vågå kommune - driftskonsesjon

Direktoratet for mineralforvaltning med Bergmeisteren for Svalbard (DMF) har motteke søknad om driftskonsesjon etter § 43 i lov om erverv og utvinning av mineralressursar (minerallova) frå Einar Mosebakken.

Åsstad masseuttak er lokalisert på gnr/bnr. 147/6 i Vågå kommune. Det omsøkte området er 20,7 dekar. Området er i detaljreguleringsplan med namn Åsstad masseuttak vedtatt 16.12.2014 regulert til masseuttak.

Det vert oppgjeve i søknaden at førekomsten består av morenemasse med innhald som variera mellom silt/leire og stein/blokk. Massane vil i følgje søknad bli brukt til veggrus og leveransar til bygg/anlegg. Totalvolum for uttaket er anslått til 100 000 m³. Forventa årleg uttak er 15 000 m³.

Saka ligg no ute til høyring. Høyringsdokumenta er tilgjengeleg i menyen til høgre.

Høyringsbrevet gir nærare orientering om DMF sine forventningar til høyringsfråsegna og vår behandling av søknaden.